நெத்திலி கருவாடு ப்ரை இப்படி ஒரு தரம் செய்து பாருங்க!

Ingredients:

• 350 கிராம் நெத்திலி கருவாடு
• எண்ணெய்
• கருவேப்பிலை
• 10 பல் பூண்டு
• 20 சின்ன வெங்காயம்
• ¾ கப் பெரிய வெங்காயம்
• உப்பு
• ¼ டீஸ்பூன் மஞ்சள் தூள்
• 1¼ டீஸ்பூன் மிளகாய் தூள்
• 1 டீஸ்பூன் குழம்பு பொடி
• 1 தக்காளி
• புளி

Equipemnts:

• 1 கடாய்

Steps:

1. முதலில் கருவாட்டை சுடுதண்ணீரில் 20 நிமிடம் ஊற வைக்கவேண்டும் பிறகு அதன் தலை பகுதி மற்றும் வயிற்று பகுதி நீக்கிவிட்டு பச்சை தண்ணீரில் மூன்று முறை நன்கு சுத்தம் செய்து கொள்ளவும்.
2. பிறகு ஒரு கடாயை அடுப்பில் வைத்து எண்ணெய் ஊற்றி எண்ணெய் காய்ந்ததும் கருவேப்பிலை சேர்த்து பொரிந்ததும் தட்டிய பூண்டு சேர்த்து வதக்கவும், பிறகு நறுக்கிய சின்ன வெங்காயம், பெரிய வெங்காயம் இரண்டையும் சேர்த்து வதக்கவும். சிறிதளவு உப்பு சேர்த்திக்கொள்ளவும்.
3. வெங்காயம் வதங்கியதும் மஞ்சள் தூள், மிளகாய் தூள், குழம்பு பொடி, சேர்த்து மசாலாவின் பச்சை வாசனை போக வதக்கவும்.
4. எண்ணெய் பிரிஞ்சி வந்தவுடன் நறுக்கிய தக்காளி சேர்த்து நன்கு கொழைய வதக்கவும்.
5. தக்காளி வதங்கியதும் சுத்தம் செய்து வைத்துள்ள கருவாடு சேர்த்து மிதமான தீயில் மசாலாவிலே வேகவிடவும். சிறிதளவு தேவைப்பட்டால் புளி தண்ணீர் சேர்த்துக்கொள்ளலாம், இல்லையெனில் தண்ணீர் தெளித்து வேகவைக்கலாம். மூடி போட்டு 10 நிமிடம் வேகவைக்கவும்.
6. கருவாடு வெந்தவுடன் அதன் மேல் கருவேப்பிலை தூவி விட்டு அடுப்பை நிறுத்தவும்.
7. இப்பொழுது சுவையான நெத்திலி மீன் கருவாடு ப்ரை தயார்.