வீடே கமகமக்கும் சால மீன் குழம்பு செய்வது எப்படி ?

Ingredients:

• ½ KG சால மீன் ( மத்தி மீன் )
• ½ கப் தேங்காய் அரைத்தது
• ½ கப் புளி கரைசல்
• 2 தக்காளி
• 4 சின்ன வெங்காயம்
• 5 பச்சை மிளகாய்
• 2 TBSP இஞ்சி பூண்டு விழுது
• எண்ணெய்
• 1 TBSP கடுகு
• 3 TBSP மிளகாய் தூள்
• 3 TBSP சீரகத் தூள்
• ½ TBSP மஞ்சள் தூள்
• 1 TBSP மல்லி தூள்
• உப்பு
• கருவேப்பிலை
• கொத்த மல்லி

Equipemnts:

• 1 கடாய்
• 1 மிக்ஸி
• 1 பவுள்

Steps:

1. உங்கள் வீட்டில் மீன் குழம்பு செய்வதற்கு மண்பானை சட்டி இருந்தால் கண்டிப்பான முறையில் அதை பயன்படுத்திக் கொள்ளுங்கள் இல்லாத பட்சத்தில் நீங்கள் வேறு கடாய் அல்லது குழம்பு பாத்திரங்களை பயன்படுத்தி கொள்ளுங்கள்.
2. முதலில் நீங்கள் வாங்கி வந்த சால மீனை இரண்டு முறை தண்ணீரில் அலசி எடுத்துக் கொள்ளுங்கள். பின்பு கடாயை அடுப்பில் வைத்து தேவையான அளவு எண்ணெய் ஊற்றிக் கொள்ளுங்கள்.
3. எண்ணெய் சூடு ஏறியதும் அதில் கடுகு, பச்சை மிளகாய், கருவேப்பிலை சேர்த்து தாளிக்கவும் பின்பு இதனுடன் வெங்காயம் சேர்த்து வெங்காயம் பொன்னிறமாக வரும் வரை வதக்கவும்.
4. பின்பு இதனுடன் நறுக்கி வைத்திருக்கும் தக்காளியை சேர்க்கவும், தக்காளி பச்சை வாடை போயி மென்மையாக வரும் வரை வதக்கிக் கொள்ளுங்கள்.
5. பின் இதனுடன் புளி கரைசலை கடாயில் ஊற்றி விடுங்கள் பின்பு கடாயில் இஞ்சி பூண்டு விழுது, சீரகத்தூள், மிளகாய்த்தூள், மல்லித்தூள், மஞ்சள் தூள், தேவையான அளவு உப்பு சேர்த்து கொள்ளுங்கள்.
6. பின்பு இதனுடன் சிறிதளவு எண்ணெய் சேர்த்து நன்றாக வதக்கிக் கொள்ளுங்கள். நம் போட்ட மசால் பொருட்களின் பச்சை வாடை போகும் வரை நன்றாக வதக்கி கொள்ளுங்கள், தண்ணீர் பற்றவில்லை என்றால் சிறிது சேர்த்து கொதிக்க வைத்துக் கொள்ளுங்கள்.
7. பின்பு குழம்பு நன்றாக கொதித்தவுடன் நம் அலசி வைத்திருக்கும் சால மீனை குழம்பில் சேர்க்கவும், பின் மீன் வெந்து வர நன்றாக கொதித்த உடன் நாம் அரைத்து வைத்துள்ள தேங்காயை சேர்ககவும்.
8. பின் குழம்பை இரண்டு நிமிடங்கள் கொதிக்க விடவும் பின்பு கடாயை இறக்கி கொத்தமல்லி தூவி விடுங்கள் இப்பொழுது சுவையான சால மீன் குழம்பு இனிதே தயாராகிவிட்டது.