கச்சிதமான காக்கிநாடா சிக்கன் கிரேவி ஒரு தரம் இப்படி காரசாரமான ருசியில் செஞ்சி பாருங்க!

Ingredients:

• 1/2 கிலோ சிக்கன்
• 1 துண்டு பட்டை
• 1 பிரியாணி பிரியாணி இலை
• 3 கிராம்பு
• 1/2 ஸ்பூன் மஞ்சள்தூள்
• 1 ஸ்பூன் இஞ்சி பூண்டு விழுது
• 5 சின்ன வெங்காயம்
• 1 பச்சை மிளகாய்
• 1 தக்காளி
• 5 முந்திரி
• 1 துண்டு இஞ்சி
• 5 பல் பூண்டு
• 1/2 எலுமிச்சை பழம்
• கொத்தமல்லி
• 1 வெங்காயம்
• உப்பு
• எண்ணெய்
• 1 பட்டை
• 1 பிரியாணிஇலை
• 1 ஜாதிபத்ரி
• 2 கிராம்பு
• 1 ஏலக்காய்
• 1 ஸ்பூன் மிளகு
• 1 ஸ்பூன் சீரகம்
• 2 ஸ்பூன் மிளகாய்தூள்
• 1 ஸ்பூன் மல்லிதூள்
• 1/2 ஸ்பூன் கஸ்தூரி மேத்தி
• 1 ஸ்பூன் நெய்
• 2 கொத்து கறிவேப்பிலை

Equipemnts:

• 1 கடாய்

Steps:

1. முதலில் சிக்கனை கழுவி சுத்தம் செய்து எடுத்துக் கொள்ளவும். பிறகு அடுப்பில் ஒரு குக்கரை வைத்து சிக்கன் சேர்த்துக் கொள்ளவும்.
2. இந்த சிக்கனோடு பட்டை, பிரியாணி இலை, கிராம்பு, இஞ்சி பூண்டு விழுது சிறிது மஞ்சள் தூள் சேர்த்து சிக்கன் வேகுவதற்கு தேவையான தண்ணீரை சேர்த்து வேக வைக்கவும்.
3. ஒரு மிக்ஸி ஜாரில் சின்ன வெங்காயம், பச்சை மிளகாய், கொத்தமல்லி, இஞ்சி , பூண்டு தக்காளி, முந்திரி சிறிதளவு எலுமிச்சை சாறு சேர்த்து அரைத்து எடுத்துக் கொள்ளவும். தண்ணீர் தேவைப்பட்டால் நன்றாக மைய அரைப்பதற்கு நீர் சேர்த்துக் கொள்ளவும்.
4. பிறகு அடுப்பில் ஒரு கடாயை வைத்து அதில் எண்ணெய் சேர்த்து பொடியாக நறுக்கி வைத்துள்ள வெங்காயத்தை சேர்த்து நன்றாக வதக்கவும்.வெங்காயம் பொன்னிறமாக வதங்கியவுடன் அதில் கறிவேப்பிலை சேர்த்து வதக்கவும்.
5. பிறகு அரைத்து வைத்துள்ள மசாலாவை அதில் சேர்த்து நன்றாக பச்சை வாசனை போகும் வரை கலந்து விடவும். மசாலாவின் பச்சை வாசனை போன பிறகு அதில் குக்கரில் இருந்து வேகவைத்துள்ள சிக்கனை மட்டும் சேர்த்து நன்றாக கலந்து விடவும். சிக்கன் வேக வைத்த தண்ணீரை தனியாக வைத்துக் கொள்ளவும். பின் ஒரு மிக்ஸி ஜாரில் பட்டை, கிராம்பு, ஏலக்காய், ஜாதிபத்ரி, பிரியாணி இலை சேர்த்துக் கொள்ளவும்.
6. இதில் மிளகாய் தூள், மல்லித்தூள், மிளகு, சீரகம் சேர்த்து பொடியாக அரைத்துக் கொள்ளவும். அடுப்பில் உள்ள சிக்கனை கலந்து விட்டுக் கொண்டு அரைத்து வைத்துள்ள மசாலா பொருட்களை அதில் சேர்த்து நன்றாக இரண்டு நிமிடம் கலந்து விடவும்.
7. பிறகு சிக்கன் வேக வைத்த தண்ணீரை இதில் கலந்து மூடி போட்டு கொதிக்க விடவும்.சிக்கன் கிரேவியான பிறகு அதில் நெய், கொத்தமல்லி தழை தூவி இறக்கினால்.சுவையான காக்கிநாடா சிக்கன் கிரேவி தயார்.
8. இந்த காக்கி நாடா சிக்கன் கிரேவி இட்லி, தோசை , பூரி, சப்பாத்தியுடன் அருமையாக இருக்கும்.