சின்ன வெங்காய புதினா ரசம் ஒரு முறை இப்படி செஞ்சி பாருங்க. இந்த ரசம் மட்டும் போதும் ஒரு தட்டு சோறும் நிமிஷத்தல காலியாகிடும்!

Ingredients:

• 1 கப் சின்ன வெங்காயம்
• 1/2 கப் புதினா
• 2 பச்சை மிளகாய்
• 2 தக்காளி
• 1/4 கப் துவரம் பருப்பு
• புளி
• உப்பு
• 1/2 டீஸ்பூன் மஞ்சள் தூள்
• 1/2 டீஸ்பூன் பெருங்காயம்
• 1 டேபிள் ஸ்பூன் ரசப்பொடி
• 1 டீஸ்பூன் எண்ணெய்
• 1 டீஸ்பூன் நெய்
• 1 டீஸ்பூன் கடுகு
• 1 டீஸ்பூன் சீரகம்
• 1 டேபிள் ஸ்பூன் கொத்தமல்லி தழை

Equipemnts:

• 1 கடாய்

Steps:

1. முதலில் வதக்க தேவையான பொருட்களை எடுத்து வைத்துக் கொள்ளவும். பின் புளியை தண்ணீர் விட்டு ஊற வைத்து கொள்ளவும்.
2. அடுப்பில் குக்கரை வைத்து எண்ணெய் விட்டு சின்ன வெங்காயம், தக்காளி, பச்சை மிளகாய் சேர்த்து லேசாக வதக்கவும். பின் அதனுடன் புதினா இலைகளை சேர்த்து இரண்டு நிமிடம் நன்கு வதக்கவும்.
3. பின் அதில் மஞ்சள் தூள், உப்பு, பெருங்காயம் சேர்த்து அதனுடன் புளி கரைசல் சேர்த்து குக்கரை மூடி இரண்டு விசில் வரை வேக விடவும். இதற்குள் துவரம் பருப்பை தனியாக வேக வைத்து எடுத்து கொள்ளவும்.
4. பின் குக்கரை திறந்து ரசப்பொடி சேர்த்து கொதிக்க விடவும். ஐந்து நிமிடம் கொதித்ததும் வேக வைத்த துவரம் பருப்பை கரைத்து அதில் சேர்க்கவும்.
5. ரசம் நுரை கட்டி பொங்கி வரும் போது அடுப்பை அணைத்து விடவும்.ஒரு கடாயில் நெய் விட்டு கடுகு, சீரகம் தாளித்து ரசத்தில் சேர்க்கவும். அதன்‌ மேல் சிறிது கொத்தமல்லி தழை மற்றும் புதினா தூவி இறக்கவும்.
6. சுவையான,ஆரோக்கியமான சின்ன வெங்காய புதினா ரசம் ‌தயார்.