பன்னீர் மசாலா பாக்கெட் லாலிபாப், வித்தியாசமான உணவுகள் கடைகளில் சாப்பிட வேண்டும் என்று இல்லை! வீட்டிலேயே சுலபமாக செய்யலாம்!!!

Ingredients:

• 1 கப் பன்னீர்
• 1 வெங்காயம்
• 1 பச்சைமிளகாய்
• 1 தக்காளி
• 1 ஸ்பூன் மிளகாய் தூள்
• 5 பிரட்
• 2 ஸ்பூன் மைதா மாவு
• 1 ஸ்பூன் இஞ்சி பூண்டு விழுது
• 1 கப் பிரட் தூள்
• 1 ஸ்பூன் கடுகு
• உப்பு
• எண்ணெய்
• கொத்தமல்லி

Equipemnts:

• 1 கடாய்

Steps:

1. முதலில் பன்னீரை எடுத்து நன்றாக பொடியாக நறுக்கி வைத்துக் கொள்ள வேண்டும்.
2. பிறகு அடுப்பில் ஒரு கடாயை வைத்து அதில் சிறிதளவு எண்ணெய் ஊற்றி கடுகு சேர்த்து தாளித்து பொடியாக நறுக்கிய வெங்காயத்தை சேர்த்து பொன்னிறமாக வதக்கவும்.பொன் நிறமாக வெங்காயம் வதங்கிய பிறகு அதில்  இஞ்சிபூண்டு விழுது சேர்த்து பச்சை வாசனை போகும் வரை நன்றாக வதக்கவும்.
3. பிறகு அதில் பொடியாக  பச்சை மிளகாய் பொடியாக நறுக்கிய தக்காளியை சேர்த்து நன்றாக வதக்கிக் கொள்ளவும்.பின் மிளகாய் தூள் தேவையான அளவு உப்பு சேர்த்து நன்றாக கலந்து விட்டு ஒரு ஐந்து நிமிடம் மூடி போட்டு வேக வைக்கவும்.
4. பின் கொத்தமல்லி தழை தூவி கிளறினால் பன்னீர் மசாலா ரெடி. தயார் செய்து வைத்துள்ள மசாலாவை தனியாக எடுத்து வைத்து கொள்ள வேண்டும்.பின் பிரட்டுகளை எடுத்துக்கொண்டு பிரட்டின் மூன்று புறம் உள்ள ஓரங்களை கட் செய்து கொள்ள வேண்டும்.
5. பிறகு பிரட்டை சப்பாத்தி உருட்டும் உருட்டையை வைத்து தேய்த்துக் கொள்ள வேண்டும். மெதுவாக தேய்த்தாலே லேசாகிவிடும் இப்படி அனைத்து பிரட்டுகளையும் தயார் செய்து வைத்துக் கொள்ள வேண்டும்.
6. பிறகு தயார் செய்து வைத்துள்ள பன்னீர் மசாலாவை பிரட் நடுவில் வைத்து ஐஸ் குச்சிகளை வைக்க வேண்டும்.மைதா மாவில் சிறிதளவு தண்ணீர் சேர்த்து பசை போல கலந்து வைத்துக் கொள்ள வேண்டும்.
7. மைதா மாவு பேஸ்டில் பிரட்டு ஓரங்களில் தடவி அவைகளை நன்றாக செவ்வக வடிவில் மூடி விட வேண்டும்.இப்படி மூடி வைத்துள்ள பிரட்டுகளை மைதா மாவில் பிரட்டி பின்பு பொடித்து வைத்துள்ள பிரட் தூள்களில் பிரட்டி எடுத்து வைத்துக் கொள்ள வேண்டும்.
8. அடுப்பில் கடாயை வைத்து எண்ணெய் ஊற்றி காய்ந்தது அதில் பிரட்டி வைத்துள்ள மாசாலாவை உள்ளே வைத்த பிரட்டுகளை எண்ணெயில் பொரித்து எடுத்தால் சுவையான மொறுமொறு வென்ற பாக்கெட் பன்னீர் மசாலா லாலிபாப்  தயார்.