குழம்பு வாசனை மூக்கை துளைக்க ருசியான செட்டிநாடு முட்டை குழம்பு ஒரு தடவை இப்படி செஞ்சி பாருங்கள்!

Ingredients:

• 5 முட்டை
• 1/2 டீஸ்பூன் கடுகு
• 1 டீஸ்பூன் சீரகம்
• 1 பெரிய வெங்காயம்
• 2 தக்காளி
• 2 டீஸ்பூன் இஞ்சி பூண்டு விழுது
• 1/2 டீஸ்பூன் மஞ்சள் தூள்
• 2 டீஸ்பூன் மிளகாய் தூள்
• 2 டீஸ்பூன் மல்லி தூள்
• 2 டீஸ்பூன் எலுமிச்சை சாறு
• 1 கொத்து கறிவேப்பிலை
• உப்பு தேவையான அளவு
• எண்ணெய் தேவையான அளவு
• 1 டீஸ்பூன் எண்ணெய்
• 1 கப் தேங்காய் துருவல்
• 5 காஷ்மீர் மிளகாய்
• 1 டீஸ்பூன் மிளகு
• 1 டீஸ்பூன் சீரகம்
• 1 டீஸ்பூன் சோம்பு

Equipemnts:

• 1 கடாய்
• 1 மிக்ஸி
• 1 பவுள்

Steps:

1. முதலில் உங்களுக்கு தேவையான முட்டைகளை எடுத்துக்கொண்டு அதை வேக வைத்து ஓடுகளை நீக்கி விட்டு தனியாக வைக்க வேண்டும்.
2. அதன் பிறகு அடுப்பை மிதமான சூட்டில் வைத்து ஒரு கடாயை வைக்கவும். கடாய் சூடானதும் அதில் எண்ணெய் ஊற்ற வேண்டும்.
3. எண்ணெய் சூடானதும் சீரகம், சோம்பு போட்டு தாளிக்க வேண்டும். அதன் பிறகு துருவிய தேங்காய் மற்றும் வரமிளகாயை, மிளகு போன்றவற்றை வறுத்து கொள்ளவும்.
4. வறுத்த பொருட்களை ஆறவைக்க வேண்டும். ஆறவைத்த பிறகு அதை மிக்சி ஜாரில் சேர்த்து அரைத்து கொள்ள வேண்டும்.
5. பின்பு அதே கடாயை அடுப்பில் வைத்து எண்ணெய் ஊற்றி, அதன் பிறகு வேகவைத்த முட்டையை கத்தியால் கீற வேண்டும்.
6. கீறுவதினால் குழம்பு அதில் சேர்வதினால் சுவையாக இருக்கும். கீறிய முட்டைகளை சிறிது நேரம் அதில் வதக்கி தனியாக எடுத்து வைத்து கொள்ள வேண்டும்.
7. பின்பு கடாயில் எண்ணெய் சேர்த்து சீரகம், கடுகு, கறிவேப்பிலை சேர்த்து தாளிக்க வேண்டும்.
8. பின் அதில் பொடியாக நறுக்கிய வெங்காயம், இஞ்சி பூண்டு விழுது சேர்த்து பச்சை வாசனை போகும் வரை வதக்க வேண்டும்.
9. பிறகு தக்காளியை மிக்ஸி ஜாரில் சேர்த்து அரைத்து கொள்ள வேண்டும்.
10. பின் அரைத்து வைத்துள்ள தக்காளியை கடாயில் சேர்த்து நன்றாக வதக்க வேண்டும்.
11. அதன் பிறகு அதில் மஞ்சள் தூள், மல்லித்தூள், மிளகாய்த்தூள், உப்பு சேர்த்து எண்ணெய் பிரியும் வரை வதக்க வேண்டும்.
12. பிறகு அரைத்து வைத்த மசாலாவை அதில் சேர்த்து கலந்து விட வேண்டும். குழம்புக்கு தேவையான அளவு நீர் சேர்த்து கலந்து விட வேண்டும். கலந்த பிறகு மூடியை போட்டு மூட வேண்டும்.
13. மசாலா நன்றாக வெந்த பிறகு கீறி வைத்த முட்டையை பொறுமையாக குழம்பில் வைக்க வேண்டும்.
14. உங்களுக்கு குழம்பு கெட்டியாக வேண்டும் என்றால் கெட்டி பதம் வரும் வரை குழம்பை கொதிக்க விட வேண்டும்.
15. குழம்பு நன்றாக கொதித்த பிறகு எலுமிச்சை சாறை பிழிந்து விட வேண்டும். இப்பொழுது சுவையான செட்டிநாடு குழம்பு தயார்.