ருசியான மட்டன் சுவரொட்டி பிரட்டல் இனி இப்படி ட்ரை பண்ணி பாருங்க! இந்த ரெசிபி ஒரு தனி ருசி!

Ingredients:

• 2 ஆட்டு மண்ணீரல்
• 1 ஸ்பூன் மிளகாய்தூள்
• 1 ஸ்பூன் இஞ்சி பூண்டு விழுது
• 1/2 ஸ்பூன் மஞ்சள் தூள்
• 1 வெங்காயம்
• 1 தக்காளி
• 1 ஸ்பூன் சோம்பு
• 1/4 கப் தேங்காய் துருவல்
• 1 கொத்து கறிவேப்பிலை
• உப்பு
• எண்ணெய்

Equipemnts:

• 1 கடாய்

Steps:

1. முதலில் மண்ணீரலை கழுவி விட்டு ஒரு பாத்திரத்தில் நல்ல தண்ணீர் ஊற்றி வேக வைக்க வேண்டும். மண்ணீரலை வேக வைப்பதற்கு முன்பு நறுக்க வேண்டாம் . அப்படி நறுக்கினால் அதில் உள்ள ரத்தங்கள் எல்லாம் வெளியேறிவிடும் ஆகையால் வேக வைத்து விட்டு பிறகு தான் நறுக்க வேண்டும்.
2. மண்ணீரல் வெந்த பிறகு அதை எடுத்து அதன் மேல் உள்ள தோலை நீக்கி விடவும். பின் மண்ணீரலை சிறு சிறு துண்டுகளாக நறுக்கி எடுத்து வைத்துக் கொள்ளவும். அடுப்பில் ஒரு கடாயை வைத்து எண்ணெய் ஊற்றி என்னை காய்ந்ததும் அதில் பொடியாக வெங்காயம், கறிவேப்பிலை சேர்த்து வதக்கிக் கொள்ளவும்.
3. வெங்காயம் பொன்னிறமாக வந்தவுடன் அதில் இஞ்சி பூண்டு விழுதை சேர்த்து வதக்கிக் கொள்ளவும். இஞ்சி பூண்டு விழுதும் பச்சை வாசனை சென்ற பிறகு அதில் பொடியாக தக்காளி சேர்த்து நன்றாக வதக்கிக் கொள்ளவும்.
4. பிறகு இதில் மஞ்சள் தூள் ,  மிளகாய்தூள் சேர்த்து கலந்து விட்டு பிறகு பொடியாக நறுக்கி வைத்துள்ள மண்ணீரலை சேர்த்து வதக்கி  தேவையானஅளவு உப்பு சேர்த்து நன்றாக கிளறி விடவும்.
5. மசாலாக்கள் பச்சை வாசனை போவதற்குள் ஒரு மிக்ஸி ஜாரில் தேங்காய் , சோம்பு சேர்த்து அரைத்து எடுத்து வைத்துக் கொள்ளவும்.
6. மசாலாக்கள் நன்றாக பச்சை வாசனை சென்ற பிறகு அரைத்து வைத்துள்ள தேங்காயை சேர்த்து நன்றாக கிளறி சிறிது தண்ணீர் சேர்த்து கிளறி விட்டால் சுவையான மண்ணீரல் பிரட்டல் தயார்.