நாட்டு கோழி வாங்கி இப்படி ஒரு முறை மிளகு வறுவல் ட்ரை பண்ணி பாருங்க! வாசனை பக்கத்து வீடு வரை செல்லும்!

Ingredients:

• 1/2 கி நாட்டுக்கோழி
• 4 பெரிய வெங்காயம்
• 2 தக்காளி
• 2 பச்சை மிளகாய்
• 1 டீஸ்பூன் இஞ்சி பூண்டு விழுது
• 1 கொத்து கறிவேப்பிலை
• 1/2 டீஸ்பூன் மஞ்சள் தூள்
• 1 டீஸ்பூன் மிளகாய்த்தூள்
• 1 டீஸ்பூன் மிளகு தூள்
• கொத்தமல்லி
• உப்பு தேவையான அளவு
• எண்ணெய்
• 1 துண்டு பட்டை
• 1 டீஸ்பூன் சோம்பு
• 2 டீஸ்பூன் சீரகம்
• 2 கிராம்பு
• 2 டீஸ்பூன் மிளகு

Equipemnts:

• 1 கடாய்
• 1 மிக்ஸி
• 1 பவுள்

Steps:

1. முதலில் நாட்டு கோழியை நன்கு கழுவி மஞ்சள் சேர்த்து சுத்தம் செய்து வைத்துக் கொள்ளவும்.
2. பிறகு ஒரு மிக்ஸியில் மிளகு, சீரகம், சோம்பு, பட்டை, கிராம்பு சேர்த்து சிறிதளவு தண்ணீர் விட்டு விழுதாகஅரைத்து வைத்துக் கொள்ளவும்.
3. ஒரு கடாயை அடுப்பில் வைத்து எண்ணெய் ஊற்றி காய்ந்ததும் சீரகம், சோம்பு சேர்த்து தாளித்து வெங்காயம், காய்ந்த மிளகாய், கறிவேப்பிலை சேர்த்து நன்கு வதக்கவும்.
4. பிறகு வெங்காயம் பொன்னிறமாக வெந்ததும் இஞ்சி பூண்டு விழுது சேர்த்து நன்கு பச்சை வாசனை போகும் வரை வதக்கவும். அதன்பிறகு தக்காளி, மஞ்சள் தூள், உப்பு சேர்த்து நன்கு மசித்து வதக்கவும்.
5. பிறகு இதில் கோழியை சேர்த்து நன்கு கிளறி தேவையான அளவு தண்ணீர் விட்டு மூடி போட்டு வேக வைக்கவும்.
6. பிறகு நாம் அரைத்த வைத்துள்ள விழுது மற்றும் மிளகு தூள் சேர்த்து நன்றாக கிளறி விடவும். அடுப்பை குறைவான தீயில் வைத்து சிக்கன் வேகும் வரை மூடி வைத்து வேக விடவும்.
7. தண்ணீர் வற்றி சிக்கன் வெந்ததும் கொத்தமல்லி தூவி அடுப்பை அணைத்து விடவும்.
8. அவ்வளவுதான் சுவையான நாட்டு கோழி மிளகு வறுவல் தயார்.