மழைக்கு இதமா சுட சுட மட்டன் வடை மாலை நேர ஸ்நாக்ஸாக இப்படி ட்ரை பண்ணி பாருங்க!

Ingredients:

• மட்டன் கொத்துகறி
• வெங்காயம்
• இஞ்சி பூண்டு விழுது
• முந்திரி
• காய்ந்த மிளகாய்
• கசகசா
• சோம்பு
• கரமசாலா
• மஞ்சள்தூள்
• உப்பு
• 2 வெங்காயம்
• 1 முட்டை
• 3 ஸ்பூன் கடலைமாவு
• கொத்தமல்லி
• 1 கொத்து கறிவேப்பிலை
• எண்ணெய்
• உப்பு

Equipemnts:

• 1 கடாய்
• 1 பெரிய பவுள்

Steps:

1. முதலில் எடுத்து வைத்துள்ள கொத்துக்கறியை நன்றாக சுத்தம் செய்து எடுத்து வைத்துக் கொள்ள வேண்டும்.
2. பிறகு அடுப்பில் ஒரு கடாயை வைத்து எண்ணெய் ஊற்றி காய்ந்ததும் சோம்பு, கசகசா போட்டு பொரிக்க வேண்டும்.கசகசா சோம்பு பொரிந்த பிறகு காய்ந்தமிளகாய், முந்திரி, பொடியாக நறுக்கி வைத்துள்ள வெங்காயத்தை சேர்த்து பொன்னிறமாக வதக்கிக் கொள்ளவும்.
3. வெங்காயம் பொன்னிறமாக வதங்கிய பிறகு அதில் சுத்தம் செய்து எடுத்து வைத்துள்ள கொத்துக்கறியை சேர்த்து ஒரு கிளறு கிளறி விடவும்.
4. பிறகு இதில் மஞ்சள் தூள், கரம் மசாலா, மிளகாய் தூள், உப்பு சேர்த்து நன்றாக கலந்து விடவும்.பின் மட்டன் வேகுவதற்கு தேவையான அளவு தண்ணீர் ஊற்றி கலந்துவிட்டு மூடி போட்டு வேக வைக்கவும்.
5. இந்த கொத்துக்கறி மொத்தமாக வெந்து தண்ணீர் எல்லாம் வற்றிய பிறகு இறக்கி வைக்கவும்.இறக்கி வைத்துள்ள கொத்துக்கறி ஆறிய பிறகு மிக்ஸி ஜாரில் போட்டு கொரகொரப்பாக அரைத்து எடுத்து வைத்துக் கொள்ளவும்.
6. கொரகொரப்பாக அரைத்து எடுத்து வைத்துள்ள மட்டனில் வெங்காயம் கொத்தமல்லி, கறிவேப்பிலை சேர்த்து பிசறி கொள்ளவும். பிறகு அதில் முட்டை உடைத்து ஊற்றி கடலை மாவு தேவையான அளவு உப்பு சேர்த்து நன்றாக கலந்து வடை மாவு போல் பிசறி விடவும்..
7. பின் ஒரு கடாயில் எண்ணெய் ஊற்றி காய்ந்ததும் பிசறி வைத்துள்ள வடை மாவில் இருந்து சிறு சிறு உருண்டைகளாக எடுத்து வடைகளாக தட்டி பொரித்து எடுக்கவும்.வடைகள் இரண்டு புறமும் திருப்பிப் போட்டு பொன்னிறமாக வெந்த பிறகு எடுத்து பரிமாறினால் மணமான மொறு மொறு மட்டன் வடை தயார்