ரவை மாவில் பர்கர் ஸ்டைலில்  இட்லி இப்படி ஒரு முறை செய்து பாருங்கள்! 2 இட்லி அதிகமாவே சாப்பிடுவாங்க!

Ingredients:

• 2 கப் ரவை
• 1 கப் தயிர்
• உப்பு
• 2 கேரட்
• 2 உருளைக்கிழங்கு
• 1/2 கப் பட்டாணி
• 1 வெங்காயம்
• 1 ஸ்பூன் கடுகு
• 1/2 ஸ்பூன் மிளகாய்தூள்
• கொத்தமல்லி
• எண்ணெய்

Equipemnts:

• 1 கடாய்

Steps:

1. முதலில் உருளைக்கிழங்கு, கேரட், பச்சை பட்டாணி இவைகளை வேகவைத்து எடுத்துக் கொள்ளவும்.ஒரு பாத்திரத்தில் ரவையை சேர்த்து அதில் தயிர் உப்பு சேர்த்து நன்றாக கலந்து பத்து நிமிடம் ஊற வைக்கவும்.
2. பின் வேக வைத்து எடுத்துள்ள உருளைக்கிழங்கு, கேரட், பச்சை பட்டாணி இவைகளை ஒன்றாக சேர்த்து மசித்து கொள்ளவும். அடுப்பில் ஒரு கடாயை வைத்து அதில் எண்ணெய் ஊற்றி வெங்காயம்  சேர்த்து நன்றாக வதக்கிக் கொள்ளவும். வெங்காயம் நன்றாக வதங்கிய பிறகு அதில் உப்பு, மிளகாய்த்தூள் சேர்த்து வதக்கிக் கொள்ளவும்.
3. பிறகு மசித்து வைத்துள்ள உருளைக்கிழங்கு, கேரட், பச்சை பட்டாணி சேர்த்து தேவையான அளவு உப்பு சேர்த்து நன்றாக கிளறி  கொத்தமல்லிதழைகளை தூவி இறக்கி வைக்கவும்.
4. பிறகு ஊற வைத்துள்ள ரவையில் நன்றாக இட்லி மாவு பதத்திற்கு கிளறிவிட்டு இட்லி பாத்திரத்தில் இட்லிகள் போல ஊற்றி வேக வைத்து எடுக்கவும்.
5. இட்லிகள் வெந்த பிறகு அவைகளை தனியாக எடுத்து ஒரு இட்லிக்கு மேல் தயார் செய்து வைத்துள்ள மசாலாவை சேர்த்து அதன் மேல் இன்னொரு இட்லியை வைக்கவும்.
6. பிறகு அடுப்பில் கடாயை வைத்து எண்ணெய் ஊற்றி கடுகு சேர்த்து பொரிந்ததும் நாம் செய்து வைத்துள்ள ரவா பர்கர் இட்லிகளை கடாயில் வைத்து இரண்டு புறமும் சிவக்க விட்டு எடுக்கவும்.
7. இட்லியின் இரண்டு புறமும் சிவந்து வந்த பிறகு சூடாக எடுத்து பரிமாறினால் ரவா பர்கர் இட்லி தயார்.