கேரளா ஸ்டைல் டீக்கடை வெங்காய வடை இப்படி ஒரு தரம் ட்ரை பண்ணி பாருங்க!

Ingredients:

• 5 வெங்காயம்
• 3 பச்சைமிளகாய்
• 1 துண்டு இஞ்சி
• 3 ஸ்பூன் மைதா மாவு
• 1 கொத்து கறிவேப்பிலை
• உப்பு
• எண்ணெய்

Equipemnts:

• 1 கடாய்
• 1 பெரிய பவுள்

Steps:

1. முதலில் வெங்காயத்தை தோலை உரித்து கழுவி விட்டு நீளவாக்கில் பொடியாக நறுக்கிக் கொள்ள வேண்டும்.
2. பிறகு பச்சை மிளகாய் பொடியாக நறுக்கி எடுத்து வைத்துக் கொள்ள வேண்டும். இஞ்சி துண்டு, கறுவேப்பிலையையும் பொடியாத நறுக்கி எடுத்து வைத்துக் கொள்ள வேண்டும்.
3. பிறகு ஒரு பாத்திரத்தில் நறுக்கி வைத்துள்ள வெங்காயத்தை சேர்த்து தேவையான அளவு உப்பு சேர்த்து கைகளால் நன்றாக பிசறி விட வேண்டும். அப்பொழுதுதான் வெங்காயத்தின் அடுக்குகள் தனித்தனியாக பிரிந்து வரும் ஐந்து நிமிடம் கையால் நன்றாக வெங்காயத்தை பிசறிவிட வேண்டும்.
4. பிறகு அதில் பொடியாக நறுக்கி வைத்துள்ள பச்சை மிளகாய், இஞ்சி, கறுவேப்பிலை சேர்த்து நன்றாக பிசறி விட வேண்டும். அதன் பிறகு மைதா மாவை சேர்த்து நன்றாக கலந்து விட வேண்டும். வடை தட்டுவதற்கு போன்ற பதம் வரை நன்றாக பிசற வேண்டும்.   இதில் தண்ணீர் சேர்க்கக்கூடாது வெங்காயம் பிசறும் பொழுது வந்து தண்ணீரே போதுமானதாக இருக்கும்.
5. இப்பொழுது ஒரு கடாயை அடுப்பில் வைத்து எண்ணெய் ஊற்றி எண்ணெய் காய்ந்ததும் அதில் பிசறி வைத்துள்ள வெங்காய மைதா கலவையை எடுத்து உருட்டி வடைகளாக தட்டி எண்ணெயில் போடவும்.இருபுறமும் திருப்பி போட்டு பொரித்தெடுக்க வேண்டும். வடை மாவு அனைத்தையும் இவ்வாறு தட்டி பொரித்து எடுக்க வேண்டும்.
6. அவ்வளவுதான் பொரித்த வடைகளை ஒரு தட்டிற்கு மாற்றி சூடாக பரிமாறினால் சுவையான கேரள ஸ்டைல் டீக்கடை வெங்காய வடை தயார்