குக் வித் கோமாளியில் சந்தோஷ் செய்த பீட்ரூட் அல்வா இப்படி செஞ்சி பாருங்க! இதன் சுவையே தனி தான்!

Ingredients:

• 1 பெரிய பீட்ரூட்
• சர்க்கரை
• 4 டேபிள் ஸ்பூன் நெய்
• 5 டீஸ்பூன் கார்ன் பிளவர் மாவு
• 1 டேபிள் ஸ்பூன் நறுக்கிய பாதாம், பிஸ்தா, முந்திரி

Equipemnts:

• 1 கடாய்
• 1 மிக்ஸி
• 1 பவுள்

Steps:

1. முதலில் பீட்ருட்டை நன்கு கழுவி விட்டு தோல் சீவி பொடியாக நறுக்கிய வைத்துக் கொள்ளவும்.
2. நறுக்கிய பீட்ருட்டை மிக்ஸியில் சேர்த்து தேவையான அளவு தண்ணீர் விட்டு நன்கு அரைத்து கொள்ளவும்.
3. பின்னர் வடிகட்டி மூலம் பீட்ருட் ஜூஸை மட்டும் தனியாக எடுத்துக் கொள்ளவும்.
4. ஒரு கடாயை அடுப்பில் வைத்து நாம்‌‌ எடுத்து வைத்துள்ள பீட்ரூட் ஜூஸை சேர்த்து நன்கு கொதிக்க விடவும். இரண்டு நிமிடங்கள் கழித்து சர்க்கரை சேர்த்து அது கரையும்‌ வரை கொதிக்க விடவும்.
5. அதன்பிறகு பவுளில் கார்ன் மாவு மற்றும் தண்ணீர் சேர்த்து நன்கு கரைத்துக் கொள்ளவும்.
6. பின் கரைத்து வைத்த கார்ன்‌ மாவை பீட்ருட்டுடன் சேர்த்து கைவிடாமல் கிண்டிக்கொண்டே இருக்கவும். இது இறுகி வரும் வரை கைவிடாமல் கிண்டிக்கொண்டே இருக்கவும். இது இறுகி அல்வா பதத்திற்கு வந்ததும் நெய் சேர்த்து கலந்து விடவும்.
7. பின் சிறிய கடாயில் நெய் விட்டு காய்ந்ததும் நறுக்கிய பாதாம் முந்திரி பிஸ்தா சேர்த்து வறுத்து அல்வாவுடன் சேர்த்து அடுப்பை அணைத்து விடவும்.
8. அவ்வளவுதான் சுவையான மற்றும் ஆரோக்கியமான பீட்ருட் அல்வா தயார்.