குக் வித் கோமாளியில் கனி ரெசிபி தித்திக்கும் சுவையிலன பிரெட் பால் ரப்டி இப்படி செய்து பாருங்க!

Ingredients:

• 1 லிட்டர் பால்
• 1/2 டீஸ்பூன் ஏலக்காய் தூள்
• 1/2 டீஸ்பூன் குங்குமப் பூ
• 6 டேபிள் ஸ்பூன் சர்க்கரை
• 4 டேபிள் ஸ்பூன் பிரெட் க்ராம்ஸ்
• 1 டேபிள் ஸ்பூன் நறுக்கிய பாதாம், பிஸ்தா, முந்திரி
• 1 கப் சர்க்கரை
• 1 கப் தண்ணீர்
• 1/4 டீஸ்பூன் குங்குமப் பூ
• 1/2 டீஸ்பூன் ஏலக்காய் தூள்
• 4 ஸ்ட்ராபெரி
• 1 வாழைப்பழம்
• 1 டேபிள் ஸ்பூன் நெய்
• 2 டேபிள் ஸ்பூன் சர்க்கரை
• 6 பிரெட் துண்டுகள்
• 4 டேபிள் ஸ்பூன் பிரெட் க்ராம்ஸ்
• எண்ணெய்

Equipemnts:

• 1 கடாய்
• 1 வாணலி
• 2 பவுள்

Steps:

1. முதலில் அடுப்பில் ஒரு பாத்திரத்தை வைத்து பாலை ஊற்றி நன்கு கொதிக்க விடவும். ஒரு லிட்டர் பால் அரை லிட்டர் அளவுக்கு சுண்டியதும் ஏலக்காய்த்தூள், குங்குமப் பூ, சேர்த்து மீண்டும் கொதிக்க விடவும்.
2. பால் நன்கு சுண்டி கால் லிட்டருக்கு வரவும் சர்க்கரை மற்றும் பிரெட் கிராம்ஸ்ஸை சேர்த்து இரண்டு நிமிடங்கள் கொதிக்க விடவும்.
3. இரண்டு நிமிடங்கள் கழித்து நறுக்கிய பாதாம், முந்திரி, பிஸ்தா சேர்த்து அடுப்பை அணைத்து விடவும். பின் இதனை வேறு ஒரு பாத்திரத்திற்கு மாற்றி விடவும்.
4. மற்றொரு கடாயை வைத்து சர்க்கரை மற்றும் தண்ணீர் சேர்த்து நன்கு கொதிக்க விடவும். இதனுடன் ஏலக்காய்த்தூள், குங்குமப் பூ சேர்த்து கொதிக்க விடவும்.
5. இது நன்கு கொதித்ததும் அடுப்பை அணைத்து விட்டு தனியே எடுத்து வைத்துக் கொள்ளவும்.
6. பின் அதே கடாயில் நெய் விட்டு நறுக்கிய ஸ்ட்ராபெரி, சர்க்கரை மற்றும் வாழைப்பழத்தை சேர்த்து வதக்கி பவுளில் எடுத்து வைத்துக் கொள்ளவும்.
7. அதன்‌பிறகு பிரெட் துண்டுகளின்‌ ஓரங்களை வெட்டி நாம் வதக்கி வைத்த பழத்தை உள்ளே வைத்து உருண்டைகளாக உருட்டி பின் பிரெட் கிராம்ஸில் உருட்டி எடுத்து வைத்துக் கொள்ளவும்.
8. பின் வாணலியை அடுப்பில் வைத்து எண்ணெய் ஊற்றி காய்ந்ததும் உருட்டி வைத்திருக்கும் பிரெட் உருண்டைகளை எண்ணையில் பொரித்து எடுக்கவும்.
9. பிரட் உருண்டைகளை எண்ணெயில் பொரிக்கும் போது மிதமான தீயில் வைத்து பொரித்துக் கொள்ளவும்.
10. பொரித்து எடுத்த உருண்டைகளை நாம் தயார் செய்து வைத்துள்ள சர்க்கரை பாகுவில் சிறிது நேரம் ஊற வைக்கவும்.
11. இப்பொழுது ஒரு சிறிய பாத்திரத்தில் ரப்டி ஊற்றிக் கொள்ளவும். அதன் மீது ஊற வைத்துள்ள பிரட் உருண்டைகளை வைத்து பரிமாறவும்.
12. அவ்வளவுதான் சுவையான பிரட் பால் ரப்டி தயார்.