டீ காபியுடன் சாப்பிட அருமையான ஸ்நாக்ஸ் பாகர் வாடி இப்படி ஒரு தரம் ட்ரை பண்ணி பாருங்க!

Ingredients:

• 2 கப் மைதா
• 1/4 கப் கடலை
• 1 டீஸ்பூன் ஓமம்
• உப்பு
• எண்ணெய்
• 1 1/2 டீஸ்பூன் மல்லி
• 1 டீஸ்பூன் வெள்ளை எள்
• 1 டீஸ்பூன் சீரகம்
• 1/2 டீஸ்பூன் சோம்பு
• 2 டேபிள் ஸ்பூன் தேங்காய்
• 1 டீஸ்பூன் மிளகாய்த்தூள்
• 1/2 டீஸ்பூன் மஞ்சள்
• உப்பு
• 1 டீஸ்பூன் சுக்கு பொடி
• 3 டேபிள் ஸ்பூன் சர்க்கரை
• 1/4 கப் புளி
• 1/4 கப் வெல்லம்
• 1 டீஸ்பூன் மிளகாய்த்தூள்
• 1 டீஸ்பூன் சீரகத்தூள்
• 1/2 டீஸ்பூன் கரம் மசாலா தூள்
• உப்பு
• எண்ணெய்

Equipemnts:

• 1 கடாய்
• 1 மிக்ஸி
• 1 பவுள்
• 1 கரண்டி

Steps:

1. முதலில் ஒரு பாத்திரத்தில் மைதா, கடலை மாவு, ஓமம், உப்பு எல்லாவற்றையும் சேர்த்து கையால் நன்கு கலந்து கொள்ளவும்.
2. பிறகு சூடான எண்ணெயை அதில் சேர்த்து நன்றாக கையால் கலந்து கொள்ளவும்.
3. பின்னர் அதில் சிறிது சிறிதாக தண்ணீர் ஊற்றி சப்பாத்தி மாவு பதத்திற்கு பிசைந்து கொள்ளவும்.
4. ஒரு கடாயில் வறுக்க கொடுத்துள்ள அனைத்து பொருட்களையும் ஒவ்வொன்றாக சேர்த்து நிறம் மாறும் அளவு வறுத்து எடுத்துக் கொள்ளவும்.
5. அடுப்பை அணைத்துடன் சூடாக இருக்கும் போதே மிளகாய் தூள் மஞ்சள் தூள் சுக்குத்தூள் சேர்த்து கலந்து விடவும்.
6. இறுதியாக சிறிது உப்பும் சேர்த்து மிக்ஸி ஜாரில் சேர்த்த பிறகு அதில் சர்க்கரையும் சேர்த்து நன்றாக அரைத்துக் கொள்ளவும்.
7. ஒரு பாத்திரத்தில் புளி, வெல்லம் மற்றும் தண்ணீர் சேர்த்து குறைந்த தீயில் 10 நிமிடங்கள் கொதிக்க விடவும். அது கொதித்து கெட்டியானதும் அதை வடிகட்டி எடுத்துக் கொள்ளவும்.
8. வடிகட்டிய புளிக்கரைசலுடன் மிளகாய் தூள், சீரகத்தூள், கரம் மசாலா உப்பு சேர்த்து கலந்தால் புளி சட்னி தயார்.
9. இப்போது பிசைந்த மாவை எடுத்து நன்றாக நீளவாக்கில் தேய்த்து அதை ஓரங்களில் சரிசமமாக கட் செய்து கொள்ளவும்.
10. அந்த மாவின் மீது புளி சட்னியை வைத்து நன்றாக தேய்த்துக் கொள்ளவும். ஓரங்களில் தேய்க்க கூடாது நடுவில் மட்டும் தேய்த்து விட்டு நாம் செய்த பொடியையும் அதன் மேல் தூவி நன்றாக பொடியை புளி சட்னியில் ஒட்ட வைக்கவும்.
11. பின்னர் மாவினை சுருட்டிக் கொள்ளவும். மாவின் ஒரு பகுதியை நன்றாக விரல்களால் அமுக்கி விட்டு அந்த இடத்தில் நன்றாக தண்ணீர் தடவி வைக்கவும். அப்பொழுது தான் சுருட்டிக்கொண்டு கடைசியாக வரும்போது அந்த இடம் நன்றாக ஒட்டிக் கொள்ளும்.
12. சுருட்டியதை அரை இன்ச் அகலத்தில் வெட்டி அதை விரலால் நன்றாக அமுக்கி தட்டையாக்கி கொள்ளவும்.
13. பின்னர் அடுப்பில் வாணலியை வைத்து எண்ணெய் ஊற்றி காய்ந்ததும் அந்த எண்ணெயில் நாம் செய்து வைத்துள்ள பாகர்வாடியை போட்டு சலசலப்பு அடங்கும் வரை பொரித்தெடுக்கவும்.
14. இப்போது சூடான சுவையான இனிப்பான புளிப்பான காரசாரமான பாகர்வாடி தயார்.