ஈரோடு சிக்கன் சிந்தாமணி செய்வது இவ்வளவு எளிதா ? மிஸ் பண்ணாம நீங்களும் வீட்டில் ட்ரை பண்ணுங்க!

Ingredients:

• 500 கிராம் சிக்கன்
• 1 டேபிள் ஸ்பூன் நல்லெண்ணெய்
• கறிவேப்பிலை
• 1 கப் சின்ன வெங்காயம்
• 12 வரமிளகாய்
• 1 டேபிள் ஸ்பூன் இஞ்சி பூண்டு பேஸ்ட்
• 1/4 கப் துருவிய தேங்காய்
• 1/2 டீஸ்பூன் மஞ்சள் தூள்
• 1 டீஸ்பூன் மிளகாய் தூள்
• உப்பு

Equipemnts:

• 1 கடாய்

Steps:

1. முதலில் சிக்கனை நன்கு கழுவி தனியாக வைத்துக் கொள்ள வேண்டும். பின்னர் ஒரு வாணலியை அடுப்பில் வைத்து எண்ணெய் ஊற்றி சூடானதும், கறிவேப்பிலை மற்றும் வரமிளகாய் சேர்த்து தாளிக்க வேண்டும்.
2. பின்பு அதில் வெங்காயத்தைப் போட்டு, சிறிது உப்பு தூவி நன்கு மென்மையாகும் வரை வதக்க வேண்டும். அடுத்து அதில் இஞ்சி பூண்டு பேஸ்ட்டை சேர்த்து ஒரு நிமிடம் வதக்கி, பின் மிளகாய் தூள், மஞ்சள் தூள் சேர்த்து சில நிமிடங்கள் வதக்க வேண்டும்.
3. பிறகு கழுவி வைத்துள்ள சிக்கனை சேர்த்து நிறம் மாறும் வரை வதக்கி, 1/4 கப் நீரை ஊற்றி, வாணலியை மூடி 30 நிமிடம் குறைவான தீயில் சிக்கனை வேக வைக்க வேண்டும்.
4. சிக்கன் நன்கு வெந்ததும், அதில் தேங்காயைத் தூவி நன்கு கிளறி, ஒரு நிமிடம் வேக வைத்து இறக்கினால், ஈரோடு சிக்கன் சிந்தாமணி தயார்.