சுவையான மாசி கருவாட்டு தொக்கு செய்வது எப்படி ?

Ingredients:

• 25 கிராம் மாசி கருவாடு
• 100 கிராம் பெரிய வெங்காயம்
• 100 கிராம் பழுத்த தக்காளி
• 1 பச்சை மிளகாய்
• ¼ டேபிள் ஸ்பூன் மஞ்சள் தூள்
• ½ டேபிள் ஸ்பூன் மிளகாய் தூள்
• 1 குழிக்கரண்டி எண்ணெய்
• ½ டேபிள் ஸ்பூன் கடுகு
• ½ டேபிள் ஸ்பூன் உளுத்தம்பருப்பு
• கொத்தமல்லி
• கருவேப்பிலை
• உப்பு

Steps:

1. மாசி கருவாட்டு துண்டை அம்மியில் வைத்து பொடித்து கொள்ளவும்.
2. வெங்காயத்தை நீளவாக்கில் மெல்லியதாக நறுக்கிக்கொள்ளவும்.
3. தக்காளியையும், பச்சை மிளகாயையும், பொடியாக நறுக்கிக் கொள்ளவும்.
4. பின்பு ஒரு கடையை அடுப்பில் வைத்து எண்ணெய் விட்டு காய்ந்ததும் கடுகு, உளுந்து சேர்த்து தாளித்த பின்னர் கருவேப்பிலை, பச்சை மிளகாய் சேர்த்து நன்கு பொரிந்து வந்ததும் வெங்காயம் சேர்த்து வதக்கவும்.
5. வெங்காயம் கண்ணாடி போல் வந்ததும் மிளகாய் தூள் மற்றும் மஞ்சள் தூள் சேர்க்கவும்.
6. பின்னர் தக்காளி சேர்த்து குழைய வதக்கவும்.
7. தக்காளி வெந்ததும் பொடித்து வைத்துள்ள மாசிதூள் மற்றும் அரை டம்ளர் அளவுக்கு தண்ணீர் சேர்த்து பிரட்டவும். பின்பு தேவையான அளவு உப்பு சேர்த்து பிரட்டவும்.உப்பு சரி பார்த்துக்கொண்டு தொக்கு பதத்திற்கு வந்ததும், கொத்தமல்லி தூவி இறக்கவும்.
8. இப்பொழுது சுவையான மாசி தொக்கு ரெடி.
9. சாத வகைகளுடன் சேர்த்து சாப்பிட அருமையான சைட்டிஷ் இது.