கேரளா ஸ்டைல் நேந்திரம்பழம் அப்பம் இப்படி ஈசியாக வீட்டிலே செய்து பாருங்க! ஒரு அப்பம் கூட மிச்சமாகாது!

Ingredients:

• 2 நன்கு பழுத்த நேந்திரம் பழம்
• 1/2 கப் கோதுமை மாவு
• 2 டேபிள்ஸ்பூன் அரிசி மாவு
• 3 டேபிள்ஸ்பூன் சர்க்கரை
• 1/4 டீஸ்பூன் சமையல்சோடா
• 1/2 டீஸ்பூன் ஏலக்காய்த் தூள்
• 1/2 டீஸ்பூன் சுக்குத் தூள்
• 200 மில்லி எண்ணெய்

Equipemnts:

• 1 கடாய்

Steps:

1. நேந்திரம் பழத்தின் தோலை உரித்து வட்ட வட்டமாக நறுக்கிக் கொள்ளவும்.  ஒர் அகலமான பாத்திரத்தில் சர்க்கரை. கால் கப் தண்ணீர் ஊற்றி நன்கு கரைத்துக் கொள்ளவும்.
2. சர்க்கரை நன்கு கரைந்ததும் அதில் கோதுமை மாவு, மைதா மாவு, அரிசி மாவு, சமையல் சோடா சேர்த்து நன்கு கலந்து கொள்ளவும். பின்னர் சிறிது சிறிதாக தண்ணீர் ஊற்றி பஜ்ஜி மாவு பதத்துக்குக் கரைத்துக் கொள்ளவும்.
3. அதில் ஏலக்காய்த்தூள், சுக்குத்தூள் சேர்த்து கவந்து 10 நிமிடங்கள் மூடி வைக்கவும்.
4. வாணலியில் எண்ணெயை ஊற்றி, அடுப்பை மிதமான தீயில் வைத்து, காயவைக்கவும்.
5. பின்னர் நறுக்கிய நேந்திரம்பழத் துண்டுகளை மாவில் இரு பக்கங்களிலும் நன்கு தோய்த்து எண்ணெயில் போட்டு, குறைந்த சூட்டில் வைத்து வேகவிடவும். பிறகு மெதுவாகத் திருப்பிப் போட்டு நன்கு பொன்னிறமாகப் பொரித்தெடுக்கவும். சுவையான நேந்திரம்பழம் அப்பம் தயார்