சுட சுட சோறுடன் சாப்பிட ருசியான சின்ன வெங்காய கார குழம்பு இப்படி செய்து பாருங்க!

Ingredients:

• எண்ணெய்
• 2½ டேபிள் ஸ்பூன் முழு மல்லி
• 10 வரமிளகாய்
• 1 டீஸ்பூன் சீரகம்
• ½ டீஸ்பூன் மிளகு
• ¼ டீஸ்பூன் வெந்தயம்
• கருவேப்பிலை
• 1 டேபிள் ஸ்பூன் கொப்பரை தேங்காய்
• எண்ணெய்
• 4 சின்ன வெங்காயம்
• 2 பல் பூண்டு
• 2 தக்காளி
• உப்பு
• 2½ டேபிள் ஸ்பூன் நல்எண்ணெய்
• 300 கிராம் சின்ன வெங்காயம்
• ½ டீஸ்பூன் கடுகு
• வெந்தயம்
• தாளிப்பு வடகம்
• 6 பல் பூண்டு
• கருவேப்பிலை
• 2 பச்சை மிளகாய்
• 1½ கப் புளி தண்ணீர்
• 1 டீஸ்பூன் பொடிச்ச வெள்ளம்

Equipemnts:

• 2 கடாய்
• மிக்ஸி

Steps:

1. முதலில் ஒரு கடாயை அடுப்பில் வைத்து ½ டீஸ்பூன் எண்ணெய் சேர்த்து முழு மல்லி, வரமிளகாய், சீரகம், மிளகு, வெந்தயம், கருவேப்பிலை, கொப்பரை தேங்காய், சேர்த்து பொன்னிறமாக வறுத்து கொள்ளவும். அதனை தனியாக தட்டில் எடுத்துக்கொள்ளவும். நன்கு இதனை ஆறவிடவும்.
2. அடுத்து ஒரு பான் அடுப்பில் வைத்து ½ டீஸ்பூன் எண்ணெய் சேர்த்து 4 சின்ன வெங்காயம், பூண்டு வதங்கியதும் தக்காளி சேர்த்து கொழைய வதக்கவும் சிறிதளவு உப்பு சேர்த்துக்கொள்ளலாம். வதங்கியதும் இதை அதே தட்டில் தனியாக எடுத்து ஆறவைக்கவும்.
3. ஆறியதும் முதலில் வறுத்து வைத்த பொருட்களை மிக்சியில் சேர்த்து பொடியாக அரைத்து பிறகு வதக்கி ஆறவைத்ததை அத்துடன் சேர்த்து நைசாக மசாலா பதத்திற்கு அரைத்துக்கொள்ளவும்.
4. ஒரு கடாயை அடுப்பில் வைத்து நல்எண்ணெய் ஊற்றி காய்ந்ததும் சின்ன வெங்காயம் சேர்த்து வேகவிடவும். வெந்தவுடன் வெங்காயத்தை மட்டும் தனியாக வடிகட்டி எடுத்துக்கொள்ளவும்.
5. அதே எண்ணெயில் கடுகு, வெந்தயம், தாளிப்பு வடகம் சேர்த்து பொரிந்ததும் பூண்டு, கருவேப்பிலை, பச்சை மிளகாய் சேர்த்து வதக்கவும்.
6. பூண்டு வதங்கியதும் அரைத்து வைத்த மசாலாவை சேர்த்து எண்ணெய் பிரிய வைக்கவும்.
7. பிறகு அதில் புளி தண்ணீரை சேர்த்து தேவையான அளவு தண்ணீர் ஊற்றி தேவையான அளவு உப்பு சேர்த்து பொடித்த வெள்ளம் சேர்த்து நன்கு மிதமான தீயில் கொதிக்கவிடவும்.
8. எண்ணெய் பிரிந்து வந்தவுடன் தனியாக எடுத்து வைத்த வதக்கிய சின்ன வெங்காயம் சேர்த்து மிதமான தீயில் குழம்பு கெட்டி பதத்திற்கு வரும் வரை கொதிக்கவிடவும்.
9. 10 நிமிடம் கொதித்ததும் அடுப்பை அணைக்கவும். இப்பொழுது சுவையான சின்ன வெங்காயம் கார குழம்பு தயார்.