ருசியான ரோட்டுக்கடை காளான் மசாலா இப்படி செய்து பாருங்க! நீங்கள் கடையில் வாங்கும் அதே சுவை!

Ingredients:

• ¼ கிலோ முட்டை கோஸ்
• ½ கப் மைதா மாவு
• சோளமாவு
• 1 டீஸ்பூன் இஞ்சி பூண்டு விழுது
• 1 டீஸ்பூன் காஸ்மீர் சிவப்பு மிளகாய் தூள்
• 1 டீஸ்பூன் கரம் மசாலா
• உப்பு
• எண்ணெய்
• 1 பெரிய வெங்காயம்
• கருவேப்பிலை
• 1½ டீஸ்பூன் தக்காளி சாஸ்
• 1 பின்ச் மஞ்சள் தூள்
• ¼ டீஸ்பூன் மிளகாய் தூள்
• ¼ டீஸ்பூன் கரம் மசாலா

Steps:

1. முதலில் நறுக்கிய முட்டை கோஸை நன்கு தண்ணீரால் கழுவி தண்ணீரை வடித்து ஒரு பௌலில் சேர்த்து கொள்ளவும்.
2. அடுத்து அதனுடன் மைதா மாவு, 2 டீஸ்பூன் சோளமாவு, இஞ்சி பூண்டு விழுது, காஸ்மீரி சிவப்பு மிளகாய் தூள், கரம் மசாலா, தேவையான அளவு உப்பு சேர்த்து சிறிதளவு தண்ணீர் சேர்த்து நன்கு கிளறி போண்டா மாவு பதத்திற்கு பிசைந்துகொள்ளவும்.
3. பிறகு ஒரு கடாயில் பொறிக்க தேவையான அளவு எண்ணெய் ஊற்றி எண்ணெய் சூடானதும் பிசைந்து வைத்துள்ள மாவை சிறு சிறு உருண்டைகளாக எண்ணெயில் போட்டு பொரித்து எடுக்கவும்.
4. பொன்னிறமாக பொறித்து எடுத்த பிறகு அதனை சின்ன சின்னதாக பிய்த்து வைத்துக்கொள்ளவும்.
5. அடுத்து மற்றொரு கடாயில் சிறிதளவு எண்ணெய் ஊற்றி எண்ணெய் காய்ந்ததும் பொடியாக நறுக்கிய வெங்காயம், கருவேப்பிலை இரண்டையும், சேர்த்து வெங்காயம் பொன்னிறமாக மாறும் வரை வதக்கவும்.
6. நன்கு வதங்கியதும் அதில் தக்காளி சாஸ், மஞ்சள் தூள், சிவப்பு மிளகாய் தூள், கரம் மசாலா, சேர்த்து கிளறி விடவும்.
7. பிறகு ஒரு சின்ன பௌலில் சோளமாவு 2 ஸ்பூன் அளவிற்கு சேர்த்து தண்ணீர் ஊற்றி நன்கு கட்டிகள் இல்லாமல் கலந்து வெங்காயத்தில் ஊற்றி கிளறிவிடவும்.
8. கிரேவி நல்லா திக்கானதும் 1 காப் அளவிற்கு தண்ணீர் சேர்த்து கலந்து விட்டு 2 நிமிடம் கொதிக்க விடவும்.
9. இப்பொழுது கிரேவி ஒரு கொதி வந்ததும் நாம் பொரித்து வைத்த வடைகளை சேர்த்து மிதமான தீயில் வைத்து நன்கு கிளறிவிடவும்.
10. பிறகு காளான் மசாலா கிரேவி பதத்திற்கு வந்ததும் இறக்கிவிடவும்.