ருசியான சங்கரா மீன் குழம்பு இனி இப்படி செய்து பாருங்க! இதன் ருசியே தனி!

Ingredients:

• ½ கிலோ சங்கரா மீன்
• புளி
• எண்ணெய்
• 10 சின்ன வெங்காயம்
• 6 பூண்டு
• 1 டேபிள் ஸ்பூன் இஞ்சி
• 2 தக்காளி
• உப்பு
• ½ டீஸ்பூன் சோம்பு
• ½ டீஸ்பூன் சீரகம்
• ½ டீஸ்பூன் மிளகு
• ¼ டீஸ்பூன் மஞ்சள் தூள்
• 1 டேபிள் ஸ்பூன் மிளகாய் தூள்
• 2 டேபிள் ஸ்பூன் மல்லி தூள்
• 1 டேபிள் ஸ்பூன் குழம்பு பொடி
• 1½ டேபிள் ஸ்பூன் தேங்காய் எண்ணெய், நல்லெண்ணெய்
• 1 டீஸ்பூன் கடுகு
• ¼ டீஸ்பூன் வெந்தயம்
• 1¼ கப் சின்ன வெங்காயம்
• 2 பச்சை மிளகாய்
• கறிவேப்பிலை
• ½ கப் தேங்காய் பால்
• மாங்காய்

Equipemnts:

• 1 கடாய்
• 1 குழம்பு பாத்திரம்

Steps:

1. முதலில் மீனின் செதில்களை நீக்கி பின் துண்டுகளாக நறுக்கி, தண்ணீர் வைத்து இரண்டு முறை சுத்தமாக கழுவி எடுத்துக்கொள்ளவும். அப்படியே குழம்புக்கு தேவையான புளியை ஊறவைத்து கொள்ளவும்.
2. அதன் பின் அடுப்பில் ஒரு கடாயை வைத்து சூடானதும் அதில் எண்ணெய் ஊற்றி காய்ந்ததும் சின்ன வெங்காயம் சேர்த்து பொடியாக நறுக்கிய இஞ்சி, பூண்டு சேர்த்து வதக்கவும். பின் தக்காளி சேர்த்து நன்கு கொலைய வதக்கி சிறிதளவு உப்பு சேர்த்து கொள்ளலாம்.
3. பின் தக்காளி வதங்கியதும் சோம்பு, சீரகம், மிளகு சேர்த்து ஒரு நிமிடம் வதக்கவும். பிறகு அதனை ஒரு தட்டில் தனியாக எடுத்து வைத்து ஆறவிடவும்.
4. பொருட்கள் ஆறியதும் அதனை மிக்சியில் சேர்த்து அத்துடன் மஞ்சள் தூள், மிளகாய் தூள், மல்லித்தூள், குழம்பு பொடி சேர்த்து தண்ணீர் ஊற்றாமல் நைசாக அரைத்துக்கொள்ளவும்.
5. அடுத்து ஒரு சட்டியை அடுப்பில் வைத்து தேங்காய் எண்ணெய், ஊற்றி காய்ந்ததும் கடுகு, வெந்தயம், சேர்த்து பொரிந்ததும், 5 பல் பூண்டு, நறுக்கிய வெங்காயம்,பச்சை மிளகாய், கறிவேப்பிலை, சேர்த்து நன்கு வதக்கவும், பிறகு பச்சை மிளகாய் சேர்த்து வெங்காயம் பொன்னிறமாக வதக்கவும்.
6. வதங்கியதும், அரைத்த விழுதை சேர்த்து தண்ணீர் ஊற்றாமல், எண்ணெய் பிரியும் வரை வதங்க விடவும்.
7. பிறகு வதங்கியதும் 1½ கப் அளவிற்கு தண்ணீர் ஊற்றி புளி கரைசலும் ஊற்றி தேவையான அளவு உப்பு சேர்த்து தேங்காய் பால் ஊற்றி கலந்து 10 நிமிடம் கொதிக்கவிடவும்.
8. பின் குழம்பு நன்கு கொதித்ததும் மீன் துண்டுகளை சேர்த்து மிதமான தீயில் வைத்து 10 நிமிடம் வேகவிடவும். அவ்வளவு தான் மீன் குழம்பு தயார்.