கோங்குரா முட்டை குழம்பு இப்படி செய்து பாருங்க! இதன் சுவையே தனி தான்!

Ingredients:

• 1 கோங்குரா/புளிச்சக்கீரை
• 3 tsp எண்ணெய்
• 3 பச்சை மிளகாய்
• உப்பு
• 1 பெரிய வெங்காயம்
• கருவேப்பிலை
• 1/4 tsp மஞ்சள் தூள்
• 1/2 tsp இஞ்சி பூண்டு பேஸ்ட்
• 1 கப் தண்ணீர்
• 1/4 tsp மல்லித்தூள்
• 1/4 tsp சீரக பொடி
• 1/2 tsp மிளகாய்த்தூள்
• 1/2 tsp கரம் மசாலா
• 4 முட்டை

Equipemnts:

• 1 மிக்ஸி ஜார்
• 1 வாணலி

Steps:

1. முதலில் புளிச்சக்கீரையை சுத்தம் செய்து நீரில் அலசி தனியாக வைத்துக் கொள்ளவும். பின் ஒரு வாணலியை அடுப்பில் வைத்து, அதில் 1 டீஸ்பூன் எண்ணெய் ஊற்றி காய்ந்ததும், புளிச்சக்கீரை, பச்சை மிளகாய் மற்றும் சிறிது உப்பு சேர்த்து, கீரை நன்கு வேகும் வரை வேக வைக்கவும்.
2. பின் அதனை மிக்ஸியில் போட்டு அரைத்துக் கொள்ள வேண்டும். அடுத்து அதே வாணலியை அடுப்பில் வைத்து, அதில் 2 டீஸ்பூன் எண்ணெய் ஊற்றி காய்ந்ததும் வெங்காயத்தைப் போட்டு பொன்னிறமாக வதக்கி விட வேண்டும்.
3. பின்பு அத்துடன் கறிவேப்பிலை, மஞ்சள் தூள், இஞ்சி பூண்டு பேஸ்ட் மற்றும் அரைத்து வைத்துள்ள கீரையை சேர்த்து, தேவையான அளவு தண்ணீர் ஊற்றி, அதோடு மல்லித் தூள் மற்றும் சீரகப் பொடி சேர்த்து கிளறி விட வேண்டும்.
4. பிறகு அதில் சிறிது மிளகாய் தூள் மற்றும் கரம் மசாலா சேர்த்து 1 நிமிடம் கொதிக்க விட வேண்டும். இறுதியில் அதில் வேக வைத்துள்ள 2 முட்டையை இரண்டாக வெட்டியோ அல்லது அப்படியே சேர்த்து பிரட்டி, 2-3 நிமிடம் கொதிக்க வைத்து இறக்கினால், ஆந்திரா ஸ்டைல் கோங்குரா முட்டை குழம்பு ரெடி!!