மாலை ஸ்நாக்ஸாக ருசியான சிக்கன் மோமோஸ் இனி இப்படி செய்து பாருங்க! இதன் ருசியே தனி தான்!

Ingredients:

• 1 கப் மைதா மாவு
• உப்பு
• தண்ணீர்
• ¼ KG சிக்கன்
• 1 tbsp பூண்டு
• 1 துண்டு இஞ்சி
• 1 கப் முட்டைகோஸ்
• 1 கப் கேரட்
• ½ பெரிய வெங்காயம்
• 1 கொத்து கொத்த மல்லி
• உப்பு
• ½ tbsp மிளகாய் தூள்
• ½ tbsp மிளகு தூள்
• 2 tbsp தண்ணீர்

Equipemnts:

• 1 மிக்ஸி
• 1 பெரிய பவுள்
• 1 இட்லி பாத்திரம்

Steps:

1. முதலில் ஒரு பெரிய பவுளில் தேவையான அளவு மைதா மாவு எடுத்துக் கொண்டு அதனுடன் தேவையான அளவு உப்பு சேர்த்து சிறிது சிறிதாக தண்ணீர் சேர்த்து மென்மையாக பதத்திற்கு மாவை பிசைந்து கொள்ளுங்கள். பின் பிசைந்த மாவை ஒரு ஈரத்துணியால் மூடி வைத்துவிடவும்.
2. பின் ஒரு மிக்ஸி ஜாரில் நம் சுத்தப்படுத்தி வைத்துள்ள சிக்கனை சேர்த்து நன்கு அரைத்துக் கொள்ளுங்கள். அதன் பின்பு அரைத்த சிக்கனை ஒரு பெரிய பவுளில் சேர்த்து அதனுடன் பொடியாக நறுக்கிய வெங்காயம், பொடியா நறுக்கிய முட்டைகோஸ்,
3. பொடியாக நறுக்கிய கேரட், பொடியாக நறுக்கிய பூண்டு, பொடியாக நறுக்கிய இஞ்சி, மிளகாய் தூள் மிளகுத்தூள் கொத்தமல்லி இலை மற்றும் தேவையான அளவு உப்பு சேர்த்து நன்கு கலந்து பிசைந்து பிசைந்து கொள்ளுங்கள்.
4. பின் இதனுடன் இரண்டு டீஸ்பூன் அளவு தண்ணீர் சேர்த்து மறுபடியும் சேர்த்து பிசைந்து கொள்ளுங்கள். பின்பு பிசைந்து வைத்த மைதா மாவை மேசையில் வைத்து பெரிதாக தேய்த்து விடுங்கள்.
5. மாவை மெலிதாகவும் பெரிய வட்டமாகவும் தேய்த்து கொள்ளுங்கள். பின்பு உங்க வீட்டில் உள்ள வட்ட வடிவ பாத்திரத்தை எடுத்து அந்த மாவின் உள்பகுதியில் பூரிக்கு கட் செய்வது போல் சிறிய வட்ட வடிவமாக கட் செய்து அதற்குள் நாம் கலந்து வைத்திருக்கும் சிக்கனை மாவின் உட்பகுதியில் வைத்து மடித்து விடுங்கள்.
6. பின்பு ஒரு இட்லி பாத்திரத்தை அடுப்பில் வைத்து தண்ணீர் நன்கு கொதித்ததும் இட்லி தட்டில் எண்ணெய் தடவி நாம் தயார் செய்த மோமோஸை இட்லி தட்டில் வைத்து 15 லிருந்து 20 நிமிடங்கள் வரை நன்கு வேகவைத்து எடுத்துக் கொள்ளுங்கள். அவ்வளவு தான் சுவையான சிக்கன் மோமோஸ் இனிதே தயாராகிவிட்டது.